AFSAKIÐ AFSAKIÐ AFSAKIÐ

ÉG FÉKK BRÁÐA-ALSHÆMER OG GLEYMDI AÐ ÉG ÆTTI BLöGG.

Þetta mun ekki koma aftur fyrir í þessum mánuði!!

Allt og ekkert búið að gerast, svo ég stikkli á stóru:

Ljóskuatvik sumarsins: (þetta með bensíntappann í vor fellur alveg í skuggan)
Pantaði mér flugmiða á Ólafsvöku , eða að ég hélt, því þegar ég mætti á flugvöllinn var miðinn víst á Gjögur. Gjögur er einmitt lítið pláss í Fjarskanistan á Vestfjörðum. Starfsmaður flugfélags íslands fór að skellihlægja og spurði "heyðru vinkona , síðan hvenær er Gjögur í Færeyjum" Hefði nú verið allt í lagi að klúðra fyrir sjálfum sér, en ég tók 2 ólafsvökuspenntar píur með mér niður í svekkið. Blabla og enduðum í dekur verslunarferð í Svíþjóð.
...líklegt að ég geri aðra heiðarlega tilraun að ári.

Nú var ég að bóka okkur systur og mömmu til Króatíu 22.-29. sept, ekki laust við að sumir hafi misst trúna á bókunarhæfileikum mínum. Sigga hefur áhyggjur af því að við séum kannski bókaðar til JAN MÆJEN!!

Sumarið senn á enda hér í Laugarási, verð þó út mánuðinn og flestir velkomnir í heimsókn, svo er ég farin norður á Akureyri í 2 vikur, þar sem ég mun reyna að læra eitthvað á göngum kvennadeildar.

Hef ekki ennþá náð að fara eina ferð til Reykjavíkur síðan í maí, sakna þess ekki, er meira spennt fyrir réttum í hrunamannahrepp um miðjan september.

Og fyrir ykkur sem eru búin að vera böggast yfir símanum mínum undanfarin ár, þá er ég komin með nýjan, sveitapilturinn splæsti á drauminn.

OG, á föstudaginn er ball með HJÁLMUM á Flúðum , en þeir hafa einmitt dvalist hér alla vikuna við upptökur.
Ég treysti á að allavega Sonja láti sjá sig. upp með lopahúfuna og ekki baða ykkur þangað til.


Fjósakveðja
K

ps fékk vægt áfáll þegar ég var að þrífa spena í fyrradag og missti næstum vaktsímann ofan í flórinn!!